做左媽媽之後，好多人都會忘記左自己，原來我地識得愛自己，我地小朋有先會同樣地識愛自己，今日同大家分享幾個簡單步罩，提醒你地要Self-love!
1.原諒自己。做媽媽會成日自責，又成日覺得自己做得唔夠好，我地真係要學識原諒自己，我地唔係聖人，錯左已經係錯左，將來盡力做好就得喇，而且我成日覺得岩同錯無準則，鬧小朋友係岩定錯? 鬧佢佢守規矩D，咁唔鬧係咪錯? 唔鬧佢佢有創意D，所以媽媽要隨心, 並且學會原諒自己!
2.相信自己。唔好理其他人點樣評價你，你先最清楚你小朋友係點，你先最清楚佢要D咩。唔駛理人地點諗，當你相信自己時，你就為自己嘅成功而努力。仲有，小朋友流住你地既血，有你既遺傳因子，隔離屋隻異國短毛貓同你呢隻波斯貓始終係唔同，雖然外人望落係同類 :)
3.接受自己。唔好比較，正所謂人比人比死人。要對自己誠實! 當你開始接受你真正既自己時，你會發現你開始欣賞自己既缺點。而缺點somehow 都係優點。
4.選擇快樂。除左你自己，無人真正永遠氹你開心。如果你對生活中既任何事情不滿，就要諗辦法改變佢，即係好似你屋企個工人篤眼篤鼻，你忍左佢半年，一係你同佢談判吓，如果談判失敗，就要請佢返鄉下了。如果身邊的每個人都唔認同你時，唔好隨波逐流，因為就算條路難行，係我揀我都會開開心心咁行。
5.照顧好你既身體。唔好同電視報紙雜誌上面D靚人比較，佢地減肥減到抑鬱，一餐食兩粒青豆架咋!實際D, 做最好既自己。有正確飲食觀念，每日潔淨思緒，做適量運動，就算小小肥都係福氣，肥都要紅粉飛飛，笑容滿面啊。
當你開始練習上述5個步驟時，你會好快學會再次愛自己。加油啊各位Oilysis!
Comments